МАНУлс төрийн шинэ дүрүүдийн нэг болох Отгоншарын Батнайрамдал нь 2004 онд Норвеги улсын Дэлхийн нэгдсэн коллеж, 2008 онд АНУ-ын Макалестер коллеж, 2015 онд АНУ-ын Харвардын Их сургуулийг тус тус төгссөн билээ. Түүнчлэн АНУ-ын Колумбын Их сургууль, Английн Оксфордын Их сургуульд мэргэжил дээшлүүлсэн. Түүний хамтран үүсгэн байгуулсан "Unlock" подкаст нь 2017 оноос хойш дэлхийн шилдэг номуудыг монгол хэл дээр хураангуйлан хүргэдгээрээ залуу сонсогчдын дунд алдартай.
"Ховдоос Харвард" гэх үгийг брэндээ болгосон Отгоншарын Батнайрамдал нь 2019-2020 онд Засгийн газрын "Хэрэг эрхлэх газар"-ын даргын зөвлөх, 2020-2023 онуудад Уул уурхай, хүнд үйлдвэрийн дэд сайдаар ажилласан. Дэд сайдын хувьд Баялгийн сангийн тухай хуулиас эхлээд олон хуульд санал бодлоо тусган ажиллажээ. 2023 оноос өнөөдрийг хүртэл МАН-ын Гадаад харилцаа хариуцсан нарийн бичгийн даргаар ажиллаж байгаа бөгөөд өнгөрсөн жил Боловсролын сангийн зээлийн асуудлыг хөндөж, олны анхааралд ороход хувь нэмрээ оруулсан улс төрч билээ.
Тэрээр 2024 оны УИХ-ын сонгуулийн 10-р тойрогт МАН-аас нэр дэвшиж байна.