МАНМАН-ын дэргэдэх залуусын байгууллага болох СДМЗХ-ны Дэд ерөнхийлөгч Бяруузанын Пүрэв нь МУИС-ийг Улс төр судлалын чиглэлээр дүүргэсэн, улс төр судлаач мэргэжилтэй.
2015-2017 онд Австралийн Нью-Кэслийн Их сургуульд Тогтвортой хөгжлийн судалгаа чиглэлээр магистрын зэргээ дүүргэсэн түүний хувьд төрийн албаны карьераа 2012 онд УИХ-ын Тамгын газарт гишүүний туслахаар эхлүүлж, МАН-ын Ерөнхий нарийн бичгийн даргын зөвлөх, Орон нутаг, намын хөгжлийн хэлтсийн даргаар тус тус ажиллаж байсан туршлагатай нэгэн. 2020 оноос Нийслэлийн иргэдийн төлөөлөгчийн хурлын тэргүүлэгчээр Баянзүрх дүүргээс сонгогдон ажиллаж буй.