БУСАД
“Хашаандаа сайхан амьдаръя” бол гэр хороололд амьдардаг, зуслангийн газартай, өөрийн гэсэн хашаа, байшинтай болохоор төлөвлөж байгаа хүмүүст зориулсан амьдрах орчноо сайжруулах, хашаандаа аж ахуй эрхлэх боломжийн талаар мэдээлэл солилцдог цахим орчин дахь Монголын хамгийн том комюнити билээ. Энэхүү цахим комюнитиг үүсгэн байгуулагч нь Цэнгэний Түмэнбаяр.
Тэрээр сүүлийн жилүүдэд хашаандаа мод тарих, өрхийн цэвэрлэх байгууламжаа дэвшилтэт технологиор шийдэхээс өгсүүлээд Улаанбаатар хотын гэр хороололд тулгамдаж буй дэд бүтцийн олон асуудлыг тууштай хөндөж, олон нийтэд мэдээлэл түгээж байгаа нэгэн юм. Сонгуульт албан тушаалын хувьд Ц.Түмэнбаяр өнгөрөгч жилээс Нийслэлийн АН-ын Гэр хорооллын хөгжлийн бодлогын зөвлөхөөр сонгогдон ажиллаж буй.